|
本帖最後由 ahewc3112 於 14-9-2011 16:07 編輯
小弟係一個月前先開始玩世紀帝國II.實力宜家 如果玩Green Arabia,都係要16:50秒左右先上到城,我覺得唔係幾夠,玩新手阿拉,就快一分鐘左右
我用開匈奴馬弓爆/馬爆 26+2P上城
我有心為香港打公開比賽,但只恨自己無力可為。所以要求一位有實力既師父,或者前輩,教我點樣變成勁D。希望有心人可以傾囊相授。。。
如果此帖,犯了版規,我實無心。我只想尋求良師。
版本:1.0C
師父最好有高手級水準以上。
最好俾埋MSN我@@誠心求學@@
有心為AOC界作出貢獻!!
我的E-MAIL: jokeblake48@yahoo.com.hk
可在帖留言或寄信到我的郵件箱。
以下是本人對AOC未來的睇法,不喜勿插,純屬小孩之言
本人覺得宜家AOC玩家既年齡好似人口老化咁,新一代既玩家已經可以話係絕跡,留落黎既大多數都15歲以上,咁樣我相信過多幾年,玩家會大幅減少。
宜家港童鍾意玩超洗錢既線上遊戲,主要原因係容易連線,而且比錢就可以好勁,唔洗練技術。
而我覺得我地其實係可以將某些心智成熟既小朋友從黑暗中拖番出黎,因為我識得幾個中一生,佢地都好厭倦打ONLINE,日日雖然父母無規定打幾耐,可以話係任打,但係一D都唔開心,可能佢地係身在福中不知福,但我覺得佢地其實係因為已經覺得線上遊戲已經沒有吸引佢地既特點,佢地想要一D更有難度,有挑戰性既GAME,所以我就想向E類型既小朋友落手,將佢地拉黎AOC界。
大家一定會對佢地控制能力抱住一定既懷疑。大家應該會問:佢地得十一十二歲炸WO。E隻GAME要好高既判斷力同控制能力先玩到架!但其實佢地都已經擁有好成熟既心智。好似我咁,大家一定諗唔到我得十二歲,除非大家已經在之前見過我既言論。而且我都成功拉攏三個同學投身AOC界,當然,佢地遠遠比唔上我既學習速度。
我覺得大家應該嘗試叫自己D學妹學弟接觸E隻遊戲,令主要年齡下降番向十三歲以上。如果唔係香港既AOC界前途將會非常黑暗。大家唔可以抱住敵視既目光望住唔同派別既人,例如:綠亞既高手唔可以無啦啦串玩緊兵堡果D人,玩緊兵堡果D人又唔可以串整緊RPG劇果D人,整緊劇既人就唔可以串綠亞既人,大家要和平共處,因為各有各好處,好似兵堡咁,大型戰爭好爽架~RPG劇亦都好令人有現實滿足感。綠亞又可以發展自己既帝國,每種都好好玩,好有特色。當有新人入黎AOC界既時候,大家唔好單方面將佢拉攏到自己既派別,俾佢自己選擇。
我本人覺得一開始應該係玩預設戰役,跟住玩死鬥,再試下玩隨機地圖,如果鍾意死鬥果種大規模戰爭既,大家都知去邊啦~如果鍾意隨機地圖既,大家都知去邊啦~如果佢鍾意玩戰役,就緊係自自然走去整劇~
好啦,我既廢話講完了,我都係想搵番個良師=。= |
|