|
一般、死鬥、團隊死鬥、槍王之王、悠遊模式及虛擬對手模式(唔包括殭屍經典虛擬對手)改善建議
一、現時非殭屍經典的虛擬對手模式中,其他玩家只能加入(開房嘅)室長嘅陣營,使虛擬對手模式冇乜趣味(老實講識用煙霧彈應該都會殺多過死)。本人建議以「練習賽」或者「訓練」來代替「虛擬對手」,即係類似「即刻救援」模式咁,可以PvPvE,一開始先用虛擬對手將人數提升到最大上限,然後有一個人入就一個虛擬對手離場,如此類推,直到成個場冇曬虛擬對手,個場就剛剛好滿人。咁樣一來加強刺激,二來唔計戰績,使類似本人般不愛好「會影響戰績嘅模式」嘅人都可以放心遊玩。
二、續上面嘅建議,本人建議將「槍王之王」同埋「悠遊模式」都開放虛擬對手,因為本人覺得虛擬對手槍法唔一定輸蝕畀真人。你可能會話虛擬對手唔識掟手榴彈?咪引我笑,虛擬對手掟手榴彈不知幾準,分分鐘準過真人。
三、針對槍王之王模式,本人建議室長可設定使用「團隊死鬥」賽制定係「死鬥」賽制。團隊死鬥賽制即係原本設定,而死鬥賽制就好似死鬥咁見人就殺,槍枝一路升級,最後用手榴彈殺人就結束遊戲,死鬥賽制好處係唔計算勝敗,而且可以快速累積殺數(對某些人而言)/死數(對某些人而言)。可能用手榴彈殺人太簡單,咁可以設定要同時用手榴彈殺兩個,咁就冇咁簡單。以殺數完場方面,本人覺得可以設定為175/180/185/190/195/200/205/210/215/220/225殺。
四、針對虛擬模式,本人建議室長可設定「允許虛擬對手使用手榴彈類武器」與否,因為虛擬對手掟手榴彈的確可以好準。 |
|